საქართველო უკრაინისგან ითხოვს ინფორმაციას ასაფეთქებელი ნივთიერებებით ტვირთის შესახებ
თბილისი ელოდება კიევისგან დამატებითი ინფორმაციის მიწოდებას ოდესიდან ვორონეჟში საქართველოს ტერიტორიის გავლით ასაფეთქებელი ნივთიერების ტვირთის შესახებ. ამის შესახებ განაცხადა ქვეყნის სახელმწიფო უსაფრთხოების სამსახურის წარმომადგენელმა ბაჩა მგელაძემ.
მანამდე საქართველოს სახელმწიფო უსაფრთხოების სამსახურმა განაცხადა ექვსი ასაფეთქებელი მოწყობილობით ტვირთის დაკავების შესახებ, რომელიც ოდესიდან ვორონეჟში გადაჰქონდათ. გამოძიება გრძელდება ფეთქებადი მასალისა და ფეთქებადი მოწყობილობების უკანონო შეძენა-შენახვის ფაქტზე.
სახელმწიფო უსაფრთხოების სამსახურის ინფორმაციით, ამ ამბავში საქართველოს, უკრაინისა და სომხეთის მოქალაქეები არიან ჩართული, ორგანიზატორი კი წარმოშობით ბათუმელი, უკრაინის მოქალაქე ანდრეი შარაშიძეა. სახელმწიფო უსაფრთხოების სამსახურში კი არ გამორიცხავენ, რომ საქმე ტერორიზმის მომზადების მუხლად გადაკვალიფიცირდეს.
„ამ შემთხვევაში ჩვენ ვითანამშრომლებთ არა მხოლოდ უკრაინასთან, არამედ იმ ქვეყნებთან, რომლებითაც გაიარა ამ ტვირთმა. ჩვენ უკრაინას მივაწოდეთ ინფორმაცია ამ ფაქტის შესახებ და ველოდებით მათგან დამატებით ინფორმაციას, რომელიც გამოძიებას დაეხმარება“, – განაცხადა მგელაძემ.
