ტელეკომპანია „MIR 24“-მა მოამზადა სიუჟეტი, რომელშიც მოთხრობილია, თუ როგორ აღნიშნავდნენ რუსეთის ელჩები დიპლომატიური მუშაკების დღეს სხვადასხვა ქვეყანაში.
სიუჟეტში აღნიშნული იყო, რომ რუსეთის ელჩი სომხეთში სერგეი კოპირკინი განსაკუთრებით აფასებდა ერევნის რუსული ხელოვნების მუზეუმს.
„რუსეთის ელჩისთვის რერიხის, სეროვის და პეტროვ-ვოდკინის ნამუშევრები სამშობლოს ნაწილია სომხეთის გულში“, – წერს MIR 24.
„ეს ჩვენი ხალხების სულიერი და კულტურული ერთიანობის სიმბოლოა“, – თქვა კოპირკინმა.
ელჩი დარწმუნებულია, რომ რუსეთსა და სომხეთს შორის ეკონომიკური თანამშრომლობის გარდა, მთავარი საერთო კაპიტალი ადამიანური კაპიტალია.
„რუსეთ-სომხეთის ურთიერთობების თავისებურება ის არის, რომ ეს არის არა მხოლოდ ურთიერთობები სახელმწიფოებსა და მთავრობებს შორის, რაც ბუნებრივი და ძალიან მნიშვნელოვანია, არამედ ურთიერთობები ადამიანებს შორის. ისინი ძალიან ახლოს არიან, ძალიან ღრმაა. ჩვენ ბევრი რამ გვაერთიანებს ისტორიული და სულიერი თვალსაზრისით“, – განაცხადა მან.
