„ზანგეზურის დერეფნის“ გახსნა, პირველ რიგში, მნიშვნელოვანი საერთაშორისო ფაქტორია საშუალო და გრძელვადიანი სტაბილურობისთვის. როგორც იუწყება APA, ამის შესახებ Drilling Caspian კონფერენციაზე განაცხადა ,,სოკარ“-ის პრეზიდენტის მრჩეველმა ელჩინ აგახიშიევმა.
მისი თქმით, ეს „უზრუნველყოფს ეკონომიკურ განვითარებას და ბევრ შესაძლებლობას გაუხსნის სომხეთს“. „მეორე, საქართველოსთან ერთად შეგვიძლია კონკურენცია გავუწიოთ საერთაშორისო ტრანსპორტირებას რეგიონული მასშტაბით, გავზარდოთ ერთობლივი ოპერაციების მოცულობა ამ სფეროში და დავასრულოთ კონფლიქტები მშვიდობიანად და სტაბილურად“, – განაცხადა ელჩინ აგაკიშიევმა. მისი თქმით, ამიერიდან იქნება ეკონომიკური ზრდა, გაიხსნება ახალი სამუშაო ადგილები.
შეგახსენებთ, საუბარია სომხეთის სიუნიქის ოლქის გავლით დერეფანზე, რომლის ამბიციები აქვს აზერბაიჯანს. ოფიციალური დარწმუნებით, რომ „დერეფანი“ ეჭვქვეშ არ აყენებს სომხეთის სუვერენიტეტს, აზერბაიჯანი რეალურად ითხოვს განსაკუთრებულ პირობებს, უპირველეს ყოვლისა, ტრანსპორტზე კონტროლის არარსებობას. სომხეთმა არაერთხელ განაცხადა, რომ რეგიონში ყველა კომუნიკაციის განბლოკვის მომხრეა, თუმცა „დერეფნის ლოგიკა“ მიუღებლად მიაჩნია.
