სომხეთმა და ევროკავშირმა გადაწყვიტეს დაიწყონ მუშაობა ახალი, ამბიციური პარტნიორობის დღის წესრიგზე, განაცხადა ევროკავშირის უმაღლესმა წარმომადგენელმა საგარეო და უსაფრთხოების პოლიტიკის საკითხებში ჟოზეპ ბორელმა სომხეთის საგარეო საქმეთა მინისტრ არარატ მირზოიანთან ერთობლივ პრესკონფერენციაზე ბრიუსელში.
”ეს გადაწყვეტილება აგზავნის ძლიერ სიგნალს ჩვენი ურთიერთდაინტერესების შესახებ ჩვენი ურთიერთობის ახალ სტრატეგიულ ფაზაში და უზრუნველყოფს მკაფიო საგზაო რუკას და ხედვას წინსვლისთვის”, – თქვა მან და დასძინა, რომ ”მომავალი დღეს იწყება”.
ბორელი მიესალმა სომხეთის მიერ გადადგმულ ნაბიჯებს კორუფციის წინააღმდეგ ბრძოლაში და მოუწოდა სომხეთს, შემდგომშიც განაგრძოს გამოწვევები დისკრიმინაციის, სიძულვილის ენისა და დეზინფორმაციის წინააღმდეგ ბრძოლაში.
მან ასევე მიულოცა სომხეთს სისხლის სამართლის საერთაშორისო სასამართლოს რომის სტატუტის 124-ე წევრად გახდომა და ამას უწოდა “ძალიან მნიშვნელოვანი და გაბედული გადაწყვეტილება”.
„ჩვენ ასევე განვიხილეთ ვიზალიბერალიზაციის შესახებ დიალოგის დაწყების ვარიანტები“, – განაცხადა ბორელმა და მოუწოდა სომხეთს გაააქტიუროს რეფორმები, რათა მიაღწიოს პროგრესს ამ საკითხში.
მან კიდევ ერთხელ დაადასტურა ევროკავშირის ვალდებულება მხარი დაუჭიროს სომხეთის მონაწილეობას შავი ზღვის საკაბელო პროექტში და სხვა რეგიონული თანამშრომლობის პროექტებში.
რეგიონული უსაფრთხოების საკითხებთან დაკავშირებით, ევროკავშირის უმაღლესმა წარმომადგენელმა შეშფოთება გამოთქვა საზღვარზე ბოლო სროლებთან დაკავშირებით. ”ეს კიდევ ერთხელ აჩვენებს ძალების გაყვანის გადაუდებელ აუცილებლობას, რასაც ევროკავშირი დიდი ხანია მხარს უჭერს”, – თქვა ბორელმა. „დღეს მე უნდა გავიმეორო ევროკავშირის სრული ვალდებულება მხარი დაუჭიროს სტაბილურ და გრძელვადიან მშვიდობას, რომელიც დაფუძნებულია სუვერენიტეტის, საზღვრების ხელშეუხებლობისა და ტერიტორიული მთლიანობის პრინციპებზე“, – განაცხადა მან.
