პოლიტიკა
ევროპარლამენტის დეპუტატებმა ევროკავშირის ხელმძღვანელობას მოუწოდეს, დაიცვან არცახელი სომხების კულტურული მემკვიდრეობა
ევროპარლამენტის დეპუტატებმა თხოვნით მიმართეს ევროკავშირის ხელმძღვანელობას, დაიცვან არცახის კულტურული მემკვიდრეობა.
ევროპარლამენტის წევრმა მირიამ ლექსმანმა გამოაქვეყნა ევროსაბჭოს ხელმძღვანელის შარლ მიშელის, ევროკომისიის ხელმძღვანელის ურსულა ფონ დერ ლაიენისა და ევროპარლამენტის პრეზიდენტის რობერტა მეცოლასადმი მიმართული წერილი.
წერილს ხელს 40-ზე მეტმა ევროპელმა დეპუტატმა მოაწერა.
„მთიანი ყარაბაღის სომხური კულტურული და რელიგიური მემკვიდრეობა ჩვენი საერთო ევროპული მემკვიდრეობის ფუნდამენტური ნაწილია.
სწორედ ამიტომ, ევროპარლამენტის კოლეგების მრავალპარტიულ ჯგუფთან ერთად მოვუწოდებთ ევროკავშირის ლიდერებს, უზრუნველყონ, რომ ევროკავშირმა გადადგას აქტიური ნაბიჯები მის დასაცავად“, – აღნიშნა ლექსმანმა გამოქვეყნებულ წერილზე.
