სამხრეთ კავკასიაში გრძელვადიანი მშვიდობისა და სტაბილურობის დამყარებაში წვლილის შეტანა სომხეთის რესპუბლიკის პრიორიტეტია, რომლის კონტექსტშიც ხაზს ვუსვამ რეგიონში ინფრასტრუქტურის ბლოკადის მოხსნას. ამის შესახებ სრ პრემიერ-მინისტრმა ნიკოლ ფაშინიანმა ბერძნულ გამოცემა „Kathimerini“-სათვის მიცემულ ექსკლუზიურ ინტერვიუში განაცხადა.
პროექტი “მშვიდობის გზაჯვარედინზე” გულისხმობს, სხვა საკითხებთან ერთად, საგზაო ტვირთების, მილსადენების, ელექტროგადამცემი და ინტერნეტ კაბელების სიმძლავრის მნიშვნელოვან ზრდას, ერთის მხრივ, შავ ზღვას და მეორეს მხრივ სპარსეთისა და ომანის ყურეებს შორის ტერიტორიის გავლით. პროექტი ასევე გულისხმობს ამ ორ ბოლო წერტილს შორის სარკინიგზო კავშირის შექმნას, რაც შესაძლებელია სომხეთ-აზერბაიჯანის ურთიერთობების ნორმალიზაციის შემთხვევაში, რადგან საქართველოდან სომხეთის გავლით ირანის ისლამურ რესპუბლიკამდე რკინიგზის ყველაზე ოპტიმალური მარშრუტი გადის აზერბაიჯანული ნახიჩევანის გავლით და ეს რკინიგზა საბჭოთა წლებშიცარსებობდა. ეს არის მშვიდობის გზაჯვარედინის ჩრდილოეთ-სამხრეთის ფრთა.
ასევე არსებობს აღმოსავლეთ-დასავლეთის ფრთა, რომელსაც შეუძლია დააკავშიროს კასპიის ზღვა ხმელთაშუა ზღვასთან, ისევე როგორც თურქეთის პორტები შავ ზღვაზე სომხეთის ტერიტორიის გავლით. ამისთვის აუცილებელია, რომ რკინიგზა და საავტომობილო გზები, მილსადენები, ელექტროგადამცემი ხაზები, კაბელები აზერბაიჯანიდან სომხეთის გავლით შევიდეს თურქეთში. ჩვენ მზად ვართ ასეთი გადაწყვეტილებებისთვის.
უფრო მეტიც, ამ გზის ინფრასტრუქტურა ასევე შეიძლება გამოყენებულ იქნას აზერბაიჯანის ძირითადი ნაწილიდან ნახიჩევანთან დასაკავშირებლად და ჩვენ ამისთვისაც მზად ვართ. ყველა ამ ინფრასტრუქტურის ფუნქციონირებისთვის ჩვენ დავამკვიდრეთ ცნობილი პრინციპები „მშვიდობის გზაჯვარედინზე“ პროექტში, რაც გამოიხატება შემდეგში:
– ყველა ინფრასტრუქტურა უნდა იყოს იმ ქვეყნების სუვერენიტეტისა და იურისდიქციის ქვეშ, სადაც ისინი გადიან.
– თითოეული ქვეყანა ახორციელებს სასაზღვრო და საბაჟო კონტროლს თავის ტერიტორიაზე თავისი სახელმწიფო ინსტიტუტების მეშვეობით, ასევე უზრუნველყოფს უსაფრთხოებას.
– მითითებული ინფრასტრუქტურები შეიძლება გამოყენებულ იქნას როგორც საერთაშორისო, ასევე შიდა გადაზიდვებისთვის.
„ყველა ქვეყანა იყენებს ერთმანეთის ინფრასტრუქტურას თანასწორობისა და ორმხრივობის პრინციპით“, – განაცხადა ფაშინიანმა.
