პრემიერ-მინისტრმა ნიკოლ ფაშინიანმა ისაუბრა სომხეთის მიმართ აზერბაიჯანის აგრესიულ პოლიტიკაზე. მისი თქმით, აზერბაიჯანის ვარაუდით, სრ არ უნდა ჰყავდეს არმია, რომელსაც შეუძლია დაიცვას საკუთარი ქვეყანა. „მებრძოლი არმიის ყოლა ყველა ქვეყნის სუვერენული უფლებაა. მეორე მხრივ, ჩვენ ასევე ვფიქრობთ, რომ რეგიონში შეიარაღების შეჯიბრის პროვოცირება კარგ შედეგს ვერ გამოიწვევს. მაგრამ რეალობა ისაა, რომ ჩვენ არ გვინდა აზერბაიჯანთან შეიარაღების მარათონში შესვლა. და თუ აზერბაიჯანი ასე არ ფიქრობს, ჩვენ გვაქვს წინადადება ამ შემთხვევაში: შეიქმნას იარაღის ურთიერთკონტროლის მექანიზმი, განხორციელდეს ჯარების სარკისებური გაყვანა სასაზღვრო ხაზიდან, რაც გადაჭრის აზერბაიჯანის მიერ წამოჭრილ 4 სოფლის და ჩვენი 31 სოფლის საკითხს. მოხდეს სასაზღვრო ტერიტორიების დემილიტარიზაცია და მთელი საზღვრის დაცვა გადაეცეს მესაზღვრე ჯარებს, თავდაცვის სამინისტროს ქვედანაყოფების მუდმივი დისლოკაციის ადგილებზე დაბრუნებით“, – განაცხადა მან.
ფაშინიანის თქმით, ეს წინადადებები აზერბაიჯანის მხრიდან უპასუხოდ რჩება. „იმედი გვაქვს, რომ დადებით პასუხს მივიღებთ სამშვიდობო ხელშეკრულების მე-8 რედაქციაზე, რომელიც აზერბაიჯანს გადაეცა 14 მარტს.
