სომხეთსა და აზერბაიჯანს შორის საზღვრის დემარკაციის პროცესი გრძელდება და სომხეთის მთავრობა იმედოვნებს, რომ მხარეები ამ საკითხში სიმტკიცეს გამოიჩენენ.
ამის შესახებ განაცხადა სრ პრემიერ-მინისტრმა ნიკოლ ფაშინიანმა კოპენჰაგენის დემოკრატიის სამიტის ფარგლებში გამართული დისკუსიის დროს თემაზე „ფრონტიდან: სომხეთის დემოკრატიის დაცვა“, უპასუხა რა კითხვას სომხეთის ირგვლივ არსებული უსაფრთხოების რთულ ვითარებაზე და ამ საკითხში სომხეთის სტრატეგიულ თვალსაზრისზე მითითებით.
„ახლა მთავარი პრობლემა უსაფრთხოებაა. და როგორია ჩვენი სტრატეგიული თვალსაზრისი? როგორ უზრუნველვყოთ ჩვენი ქვეყნის უსაფრთხოება? ამას წინათ სიტყვით გამოვედი ჩვენს პარლამენტში და ვთქვი, რომ მიმაჩნია, რომ უსაფრთხოების უზრუნველსაყოფად ყველაზე მნიშვნელოვანი ინსტრუმენტი ლეგიტიმური საგარეო პოლიტიკაა“, – განაცხადა ფაშინიანმა და დეტალურად განმარტა, თუ რატომ საუბრობს სომხეთი ასე ხშირად 1991 წლის ალმა-ატას დეკლარაციაზე.
პრემიერ-მინისტრმა დამსწრე საზოგადოებას გაუზიარა მოსაზრება თუ რა არის ალმა-ატას დეკლარაცია.
„ეს მიიღო 12 საბჭოთა რესპუბლიკამ, რაც ორ ძალიან მნიშვნელოვან იდეაზე მიუთითებს. პირველი, საბჭოთა კავშირი წყვეტს არსებობას და საბჭოთა რესპუბლიკებს შორის ადმინისტრაციული საზღვრები ხდება სახელმწიფო საზღვრები, რადგან საბჭოთა რესპუბლიკები გახდებიან დამოუკიდებელი ქვეყნები.
6 ოქტომბერს გვქონდა ოთხმხრივი შეხვედრა პრაღაში საფრანგეთის პრეზიდენტის, ევროპის საბჭოს პრეზიდენტის, აზერბაიჯანის პრეზიდენტის და ჩემი მონაწილეობით, სადაც მიღწეული იქნა ორი ძალიან მნიშვნელოვანი შეთანხმება: პირველი, რომ სომხეთი და აზერბაიჯანი აღიარებენ ერთმანეთის ტერიტორიულ მთლიანობას და სუვერენიტეტს ალმა-ატას დეკლარაციის საფუძველზე. ჩვენ ასევე შევთანხმდით, რომ ალმა-ატას დეკლარაცია უნდა იყოს საფუძველი ორი ქვეყნის საზღვრების დემარკაციის პროცესისთვის“, – განმარტა ნიკოლ ფაშინიანმა და ყურადღება გაამახვილა იმაზე, რომ არ არის აუცილებელი ახალი საზღვრების დახატვა ან შექმნა სომხეთსა და აზერბაიჯანს შორის, რადგან უბრალოდ აუცილებელია არსებული საზღვრის ადგილზე რეპროდუცირება.
ეს პროცესი გრძელდება და ვიმედოვნებთ, რომ სიმტკიცეს გამოვიჩენთ“, – განაცხადა პრემიერმა.
