ამ დროისთვის მზადება მიმდინარეობს სომხეთის ევროკავშირში გაწევრიანებაზე ხელმოწერების შეგროვების ორგანიზებისთვის, რომელიც რამდენიმე დღეში დასრულდება, განაცხადა ინიციატივის „დემოკრატიული ძალების პლატფორმის“ წევრმა და პარტია „რესპუბლიკისთვის“ ვიცე-თავმჯდომარემ რუბენ მეჰრაბიანმა “ Factor.am-თან საუბარში. მისივე თქმით, მოსამზადებელი სამუშაოების დასრულების შემდეგ ხელმოწერების შეგროვება დაიწყება და ამის შესახებ საზოგადოებას ეცნობება. მეჰრაბიანის თქმით, ხელმოწერების შეგროვება აგვისტოს შუა რიცხვებიდან დაიწყება. ინიციატივა „დემოკრატიული ძალების პლატფორმის“ წევრმა ასევე განაცხადა, რომ ხელმოწერების შეგროვების დროს რეგიონებში ჩამოსვლას გეგმავენ. „ეს ასევე იქნება კამპანია თავისებურად, იქნება ვიზიტები როგორც რეგიონებში, ასევე ერევანში, შეკრებები, შეხვედრები“, – დასძინა მან. თუ 50 000 სრ მოქალაქის ხელმოწერა შეგროვდება, მაშინ, სრ კონსტიტუციის თანახმად, საკითხი პარლამენტის დღის წესრიგში დადგება. თუ ის არ მიიღება, პროექტის რეფერენდუმზე გასატანად 300 000 ხელმოწერაა საჭირო. „ხელმოწერების შეგროვების შესახებ კანონი ითვალისწინებს 45 კალენდარულ დღეს, ამ დროის განმავლობაში 50 ათასი ხელმოწერა უნდა შეგროვდეს. ჩვენ ამ დოკუმენტებს გავაგზავნით ეროვნულ ასამბლეაში. მიგვაჩნია, რომ ჩვენი მოქალაქეების აბსოლუტური უმრავლესობა სწორედ ამ იდეის (სომხეთის ევროკავშირში გაწევრიანების – რედ.) მატარებელია. ასე ვთქვათ, ტექნიკური საქმე იქნება ამ ხელმოწერების შეგროვება. ჩვენი ხელისუფლებაც თანხმდება ამ საკითხზე, ან ჩვენ მათ ვეთანხმებით“, – განაცხადა რუბენ მეჰრაბიანმა. მანამდე „დემოკრატიული ძალების პლატფორმამ“ განაცხადა, რომ აპირებს მოაწყოს ხელმოწერების შეგროვება სომხეთის ევროკავშირში გაწევრიანების რეფერენდუმის საკითხზე. შეგახსენებთ, რომ 21 ივნისს, დემოკრატიული ძალების ინიციატივით, ასევე გაიმართა საპარლამენტო მოსმენები სომხეთის ევროკავშირში გაწევრიანების შესახებ რეფერენდუმის ჩატარების საკითხზე. პრემიერ-მინისტრმა ნიკოლ ფაშინიანმა „დემოკრატიის სომხურ ფორუმზე“ ასევე განაცხადა, რომ ევროკავშირში გაწევრიანების შესახებ რეფერენდუმის გამართვის აუცილებლობას ვერ ხედავს, რადგან „იცის ხალხის აზრი“.
მანია პოღოსიანი
