საქართველოს ყოფილი პრეზიდენტი მიხეილ სააკაშვილი ქვეყანაში 16 წლის წინ განვითარებულ მოვლენებს იხსენებს. სახელმწიფოს ყოფილმა მეთაურმა სოციალურ ქსელ ფეისბუქში დაწერა: „2008 წ. ჩვენმა ჯარმა გაუძლო, ხალხი გამოვიდა ქუჩებში, მე დავრჩი თბილისში და მსოფლიო ფეხზე დავაყენე, ჩვენი კოლეგები ჩამოვიდნენ თბილისში და ამერიკელებმა ფლოტი გაგზავნეს ქართული სახელმწიფოებრიობის გადასარჩენად. ტყვედ ვყავარ, რადგან საქართველო მტერს არ გადავეცი. მაშინ მტერი ვერ შემოგვეჭრა და ეს არის ტრაგედია. რაც საკუთარი ძალებით დავიცვათ, ახლა ისევ უნდა მოვიპოვოთ. 26 ოქტომბერს (საპარლამენტო არჩევნები – რედ.) 1991 წლის შემდეგ კიდევ ერთხელ უნდა აღვადგინოთ საქართველოს დამოუკიდებლობა და თავისუფლება“.
საქართველო და მისი საერთაშორისო პარტნიორები აფხაზეთსა და სამხრეთ ოსეთს რუსეთის ფედერაციის მიერ ოკუპირებულ ტერიტორიებად მიიჩნევენ. მათ დამოუკიდებლობას მხოლოდ რუსეთი, ნიკარაგუა, ვენესუელა, სირია და ნაურუ აღიარებენ.
2008 წ. აგვისტოს ომში 228 ქართველი მშვიდობიანი მოქალაქე და 14 პოლიციელი დაიღუპა. თავდაცვის სამინისტროს ბოლო მონაცემებით, 169 სამხედრო მოსამსახურე დაღუპულად ითვლება. ომის დროს 1747 ადამიანი დაიჭრა. დაახლოებით 150 000-მა ადამიანმა დატოვა სახლები, მათგან 30 000 დევნილობაში რჩება.
