საქართველოს მთავრობა მარნეულის რაიონში რუსთავი-სადახლოს ახალი საავტომობილო გზის მშენებლობისთვის მიწის ექსპროპრიაციას ახორციელებს სომხეთის საზღვრამდე. საქართველოს ეკონომიკის მინისტრის შესაბამისი ბრძანება ქვეყნის საკანონმდებლო ბიულეტენში გამოქვეყნდა. ცნობას აქვეყნებს RADAR.AM
პროექტს აფინანსებს ევროპის საინვესტიციო ბანკი აღმოსავლეთ-დასავლეთის საერთაშორისო გზის პროექტის სასესხო ხელშეკრულებით. ახალი მარშრუტი, რომელიც არსებული გზის პარალელურად გაივლის, ოთხზოლიანი იქნება, დაახლოებით 30 კმ სიგრძით, 11 ხიდისა და გადასასვლელის ჩათვლით. მშენებლობა 250 მილიონი ევრო დაჯდება.
