სამხედრო მოსამსახურეების რაოდენობა 100 000 მოსახლეზე სომხეთში, აზერბაიჯანსა და საქართველოში. IEP:

ეკონომიკისა და მშვიდობის ინსტიტუტმა (IEP) გამოაქვეყნა მოხსენება „მილიტარიზაციის თანამედროვე ტენდენციები“, სადაც აღწერილია მსოფლიოს ქვეყნების სამხედრო ინდუსტრიის რიგ ტენდენციები.

ანგარიშის ავტორები აღნიშნავენ, რომ შეიარაღებული ძალების პერსონალის რაოდენობა ქვეყნების უმეტესობაში შემცირდა. თუ 1995 წელს მსოფლიოში სამხედრო მოსამსახურეების საერთო რაოდენობა 30 მილიონს აჭარბებდა, მაშინ 2019 წელს ეს რიცხვი 28 მილიონზე ნაკლები იყო.

ზოგიერთ ქვეყანაში სამხედრო მოსამსახურეების რაოდენობა 100000 მოსახლეზე შესამჩნევად გამოირჩევა საერთო ფონზე. IEP-ის მონაცემებით, ამ მაჩვენებლის რეკორდსმენია ერიტრეა, აფრიკის ამ პატარა ქვეყანაში 100 000 მოსახლეზე 5476 ჯარისკაცია.

ეს მაჩვენებელი მაღალია DRC-ში, ისრაელში, საბერძნეთში, სამხრეთ კორეაში, ტაივანში, შრი-ლანკაში, ლიბანსა და სომხეთში (100000 მოსახლეზე 1542 სამხედრო მოსამსახურე). სომხეთის შემთხვევაში ეს მაჩვენებელი 2008 წლის მონაცემებთან შედარებით 21 სამხედრო მოსამსახურე 100 000 მოსახლეზე გაიზარდა.

ეკონომიკისა და მშვიდობის ინსტიტუტი (IEP) ამტკიცებს, რომ აზერბაიჯანში 100 000 მოსახლეზე 649 სამხედრო მოსამსახურეა (15 წლის განმავლობაში 100 000 მოსახლეზე 138 სამხედრო მოსამსახურე შემცირდა). საქართველოში 100 000 მოსახლეზე 551 სამხედრო მოსამსახურეა (ზრდა 100 000 მოსახლეზე 74 სამხედრო მოსამსახურე).