იერუსალიმის ძველი ქალაქის სომხური მუზეუმი ხელახლა გაიხსნა

ახლახან ხელახლა გახსნილი ედვარდ და ჰელენ მარდიგიანების სომხური მუზეუმი იერუსალიმში 1700 წლიანი სომხური ყოფნის შენარჩუნებას ცდილობს.

National Catholic Register-ის მიხედვით, 1922 წელს მუზეუმის დიდი ქვის შენობა, სადაც მანამდე სომხური სულიერი ცენტრი იყო განთავსებული, გენოციდს გადარჩენილი 600 სომეხი ბავშვის ბავშვთა სახლად გადააკეთეს.

ახლაც შეიძლება ამ კედლებზე ნახოთ ბავშვების მიერ გაკეთებული მინაწერები․  მუზეუმის ერთ-ერთ ოთახში კი იმ ბავშვების სახელებია გამოსახული, რომლებმაც ოდესღაც იქ თავშესაფარი იპოვეს.

„იმ ობლების შვილები და შვილიშვილები მოდიან მუზეუმში და უხარიათ, როცა მშობლების ჩანაწერებს ხედავენ“, – ამბობს მუზეუმის გენერალური დირექტორი ცოღიკ გარაგაშიანი.

როდესაც შენობამ ფუნქციონირება შეწყვიტა, როგორც ბავშვთა სახლი, ის გადაკეთდა მუზეუმად სომხურ ცხოვრებასთან დაკავშირებული რელიქვიების შესანახად.

2022 წელს ბოლო რემონტის შემდეგ, მუზეუმი აღორძინდა ედვარდ და ჰელენ მარდიგიანის ფონდის დაფინანსების წყალობით, თქვა გარაგაშიანმა.

მუზეუმის იატაკი დაფარულია მეექვსე საუკუნის შესანიშნავი მოზაიკით, რომელზეც გამოსახულია “სიცოცხლის ხე” შემდეგი წარწერით: „ეს მოზაიკა ეძღვნება ყველა სომეხის ხსოვნას და გადარჩენას, რომელთა სახელები ღმერთმა იცის“.

2023 წლის 7 ოქტომბერს ჰამასის თავდასხმის შემდეგ დაწყებულმა სამხედრო ოპერაციებმა უარყოფითი გავლენა მოახდინა მუზეუმზე, ტურისტების ნაკადი შეჩერდა.

მუზეუმი, რომელიც მას შემდეგ დაიხურა ყველასთვის, გარდა კერძო ჯგუფებისთვის, ხელახლა გაიხსნა 2 ივლისს და ახლა აქვს რეგულარული ვიზიტის საათები, თუმცა ეს შეიძლება შეიცვალოს თუ ომი გამწვავდება.