ლორის რაიონის სოფელ დებედში დოკუმენტური ფილმების მე-10 საერთაშორისო ფესტივალი “გარგარის ხე” გაიმართება
24-31 აგვისტოს სომხეთის ლორის რაიონის სოფელ დებედში დოკუმენტური ფილმების მე-10 საიუბილეო საერთაშორისო ფესტივალი „გარგარის ხე“ გაიმართება.
როგორც ფესტივალიდან აცნობეს Armenpress-ს, დოკუმენტური კინოს სხვადასხვა ჟანრში: ექსპერიმენტული, ანთროპოლოგიური, ეთნოგრაფიული, ანიმაციური და ა.შ. 20-მდე ქვეყნიდან 40-მდე ფილმი იქნება ნაჩვენები. მოკლე და სრულმეტრაჟიანი საკონკურსო პროგრამები მოიცავს 19 ფილმს, რომელთაგან ზოგიერთი უკვე ნაჩვენებია პრესტიჟულ მსოფლიო კინოფესტივალებზე ბერლინში, ვენეციაში, როტერდამში, ამსტერდამში და სხვაგან, ნაწილს კი თავისი მსოფლიო პრემიერა ექნებათ მე-10 „გარგარის ხე“ ფარგლებში”.
აღნიშნულია, რომ სპეციალური კონკურენციის გარეშე პროგრამით პატივს მიაგებენ სერგეი ფარაჯანოვსა და შარლ აზნავურს, 100 წლის იუბილესთან დაკავშირებით. ხოლო დოკუმენტური კინოს მამის, ცნობილი ამერიკელი რეჟისორის რობერტ ფლაერტის 140 წლის იუბილესთან დაკავშირებით, ნაჩვენები იქნება მისი ლეგენდარული ფილმი “Nok from the North” (1922).
წელს ფესტივალს 25-30 ადგილობრივი და უცხოელი მონაწილე ეყოლება. გამარჯვებულებს კი ძლიერი ჟიური გამოავლენს, რომელშიც წელს შედიან ცნობილი ფრანგი სომეხი კინო სცენარისტი ჟაკ ქებადიანი, რომლის რამდენიმე ფილმი რეტროსპექტული პროგრამის ფარგლებში იქნება ნაჩვენები, ირანელი რეჟისორი მეჰდი ბაგერი და სომეხი კინოკრიტიკოსი სონა კარაფოღოსიანი.
წყაროს ინფორმაციით, ჩვენებების უმეტესობა სოფელ დებედში, სასტუმრო “დებატუნის” ეზოში და სოფლის გამგეობის ბიბლიოთეკის დარბაზში გაიმართება. ყველა გამოფენაზე დასწრება უფასოა.
