2024 წლის 6 სექტემბერს ბელორუსის საგარეო საქმეთა მინისტრი მაქსიმ რიჟენკოვი მინსკის საქალაქო აღმასრულებელი კომიტეტის თავმჯდომარესთან ვლადიმირ კუხარევთან ერთად ეწვია მინსკში მშენებარე სომხურ სამოციქულო ეკლესიას და შეხვდა სომხური დიასპორის წარმომადგენლებს.
შეხვედრაში მონაწილეობა მიიღეს მინსკის სომხური კულტურულ-საგანმანათლებლო საზოგადოება “Hayastan”-ის პრეზიდენტმა, ასევე თემის წარმომადგენლებმა.
მონაწილეებმა განიხილეს ბელორუსის სახელმწიფო და საჯარო ინსტიტუტებსა და სომხურ დიასპორას შორის თანამშრომლობის განვითარება, ერთობლივი ღონისძიებების ორგანიზება და შემოქმედებითი ინიციატივების ხელშეწყობა.
შეხვედრის მონაწილეებმა ხაზგასმით აღნიშნეს, რომ ბელორუსია უაღრესად აფასებს ეროვნული უმცირესობების მიერ მათი ტრადიციების, რიტუალების, კულტურული და სულიერი ფასეულობების შენარჩუნებას. სახელმწიფო დონეზე მნიშვნელოვანი მხარდაჭერა ეძლევა დიასპორული ორგანიზაციების საქმიანობას და თემატური პროექტების განხორციელებას. ასეთი ეფექტური მხარდაჭერის ერთ-ერთი მაგალითია სომხური სამოციქულო ეკლესიისა და მინსკში სოციალური და კულტურული ცენტრის მშენებლობა.
ბელარუსის საგარეო საქმეთა მინისტრმა მშენებლობის დროულად დასრულება უსურვა, ასევე წარმატებები დიასპორის სომხური ორგანიზაციების მიზნებისა და ამოცანების განხორციელებაში.
