სომხეთში ექსპორტი 30%-იან, ხოლო იმპორტი 52%-იან კლებას აჩვენებს. 2024 წლის იანვარ-ივლისში საქართველომ სომხეთში ექსპორტზე 346,207.11 ათასი დოლარის პროდუქცია შეიტანა, 2023 წლის ანალოგიურ პერიოდში კი 495,262.43 ათასი დოლარის, შესაბამისად ექსპორტში 30.1%-იანი კლება ფიქსირდება. საქსტატის მონაცემებს აქვეყნებს BUSINESSINSIDER.GE
თუ ბოლო წლების სტატისტიკას გავაანალიზებთ, სომხეთში ექსპორტმა მაქსიმუმს 2023 წელს მიაღწია, როდესაც საქართველომ თავის მეზობელ სახელმწიფოში 787,159.92 ათასი დოლარის პროდუქცია გაყიდა.
მიმდინარე მაჩვენებლებით კი საქართველოდან სომხეთში ნომერ პირველი საექსპორტო პროდუქცია მსუბუქი ავტომობილებია, სწორედ მასზე მოდის სომხეთში ექსპორტის 19%-ი.
TOP-5 პროდუქტი, რასაც საქართველო სომხეთში ყიდის:
- მსუბუქი ავტომობილები – 65,826.22 ათასი დოლარი;
- ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები – 25,939.04 ათასი დოლარი;
- ბულდოზერები, ავტოგრეიდერები, ექსკავატორები, სატკეპნი მანქანები და სხვა – 12,081.04 ათასი დოლარი;
- ნავთობი და ნავთობპროდუქტები – 8,613.78 ათასი დოლარი;
- სატვირთო ავტომობილები – 8,471.61 ათასი დოლარი;
რაც შეეხება იმპორტს კლება 52.1%-ის დონეზეა. 2024 წლის იანვარ-ივლისში საქართველომ სომხეთიდან 114,948.47 ათასი დოლარის ღირებულების პროდუქცია იყიდა, ხოლო 2023 წლის ანალოგიურ პერიოდში კი 240,122.19 ათასი დოლარის.
სომხეთიდან იმპორტმა მაქსიმუმს 2022 წელს მიაღწია. საანგარიშო წელს საქართველომ სომხეთიდან 613,720.04 ათასი დოლარის პროდუქცია იყიდა.
TOP-5 პროდუქტი, რასაც საქართველო სომხეთიდან ყიდულობს:
- მადნები და კონცენტრატები სპილენძის – 25,010.92 ათასი დოლარი;
- ნახევარფაბრიკატები ნახშირბადიანი ფოლადისაგან – 12,571.61 ათასი დოლარი;
- სიგარები, სიგარილები და სიგარეტები თამბაქოს ან მისი შემცვლელებისაგან – 11,874.93 ათასი დოლარი;
- ბოცები, ბოთლები და სხვა მინის ტევადობები – 11,050.75 ათასი დოლარი;
- ელექტროგენერატორული დანადგარები და მბრუნავი ელექტრო გარდამქმნელები – 10,167.55 ათასი დოლარი;
