სომხეთი შეშფოთებულია, რომ აზერბაიჯანი აგრძელებს იარაღის ყიდვას სხვადასხვა ქვეყნიდან. ამის შესახებ 16 სექტემბერს ეროვნულ ასამბლეაში ტრადიციულ ბრიფინგზე განაცხადა მმართველი ფრაქციის „სამოქალაქო შეთანხმების“ დეპუტატმა, თავდაცვისა და უსაფრთხოების საკითხთა მუდმივმოქმედი პარლამენტის კომიტეტის თავმჯდომარემ ანდრანიკ ქოჩარიანმა.
მისი თქმით, აზერბაიჯანი, ფაქტობრივად, შეშფოთებულია, რომ სომხეთის მთავრობა და შეიარაღებული ძალები ფართომასშტაბიან ზომებს ახორციელებენ ქვეყნის უსაფრთხოებისა და თავდაცვისუნარიანობის „რამდენიმე დონით“ გასაზრდელად. „წინა ხაზის მთელ სიგრძეზე გამაგრებითი სამუშაოები მიმდინარეობს. სწორედ ეს აწუხებს აზერბაიჯანს“, – განაცხადა ქოჩარიანმა.
ამავდროულად, კომიტეტის ხელმძღვანელმა აღნიშნა, რომ სომხეთი, თავის მხრივ, შეშფოთებულია, რომ აზერბაიჯანი აგრძელებს სხვადასხვა ქვეყნებიდან დიდი რაოდენობით იარაღის ყიდვას.
