სომხეთის უსაფრთხოების, საგარეო პოლიტიკის მთავარი პრიორიტეტია დივერსიფიკაცია და მისი მთავარი მიზანია იმ პრობლემების, რაც გვქონდა მინიმუმ 2020 წლის ომის დროს და მის შემდეგ მართვადად გახდომა, აგრეთვე სომხეთის შესაძლებლობების გაზრდა. ამის შესახებ 18 სექტემბერს, მეორე სომხურ გლობალურ სამიტზე განაცხადა უსაფრთხოების საბჭოს მდივანმა არმენ გრიგორიანმა.
„ჩვენ არაერთხელ გვისაუბრია სომხეთის უსაფრთხოებაზე და დივერსიფიკაციაზე. დივერსიფიკაცია ჩვენი მთავარი პრიორიტეტია. თუ უსაფრთხოების სფეროში არაერთი წარმატება გვაქვს, ეკონომიკის სფეროში დიდი წარმატება არ გვაქვს, მაგრამ ვაგრძელებთ დიდი ძალისხმევის დანერგვას იმისათვის, რომ წარმატება გვქონდეს.
ერთ-ერთი წარმატება ჩვენი სამხედრო-ტექნიკური თანამშრომლობაა. ადრე რუსეთთან 96 პროცენტზე მეტი სამხედრო-ტექნიკური თანამშრომლობა გვქონდა. დღეს ეს რიცხვი 96-დან 10 პროცენტზე ნაკლებამდე შემცირდა. ეს არის ბოლო 3-4 წლის პოლიტიკის წარმატება. დღეს ჩვენ გვყავს რამდენიმე მნიშვნელოვანი პარტნიორი სამხედრო-ტექნიკური თანამშრომლობის სფეროში. ერთი არის ინდოეთი, მეორე საფრანგეთი და ვეძებთ სხვა პარტნიორებსაც“, – თქვა მან.
არმენ გრიგორიანის თქმით, მათი მიზანია, სამხედრო-ტექნიკური წარმოების დაახლოებით 25-30 პროცენტი იყოს სომხეთის ფარგლებში, ანუ სამხედრო მრეწველობის სფერო მოემსახუროს სომხეთის საჭიროებებს. „ეს არის ჩვენი სტრატეგიული მიზანი. ასევე, გვინდა გვყავდეს 4-5 პარტნიორი, რომელთაგან თითოეულთან მოცულობა 20 პროცენტს არ გადააჭარბებს“.
უსაფრთხოების საბჭოს მდივნის თქმით, სომხეთი ასევე ეძებს პარტნიორებს ეკონომიკური დივერსიფიკაციისთვის. „მნიშვნელოვანია ასევე ეკონომიკის დივერსიფიკაცია. დღეს მსოფლიოს თითქმის ყველა ქვეყანა ეძებს დივერსიფიკაციას.
სუვერენიტეტის განმტკიცება, ტერიტორიული მთლიანობის დაცვა და დემოკრატიის განმტკიცება სომხეთის სტრატეგიული პრიორიტეტებია. ჩვენი მიზანი არის ისიც, რომ დივერსიფიკაციის პროცესი ემსახურებოდეს ამ სტრატეგიულ მიზნებს“, – აღნიშნა არმენ გრიგორიანმა.
