რამდენიმე წლის წინ სომხეთში ერთი საათის პროდუქტიულობა დაახლოებით 6 დოლარი იყო, ახლა 10 დოლართან ახლოს ვართ და ჩვენი სამიზნე 12 დოლარია. ამის შესახებ ერევანში სომხთა მეორე მსოფლიო სამიტზე ეკონომიკის მინისტრმა გევორგ პაპოიანმა აღნიშნა.
მინისტრმა ეკონომიკის დივერსიფიკაციაზე საუბრისას განაცხადა. „ეს არ არის ერთდღიანი ან ერთწლიანი პროცესი. ის ეკონომიკა, რაც ახლა გვაქვს, ბოლო 31-32 წლის ეკონომიკური პოლიტიკის შედეგი კი არ არის, ეს ჩვენი მემკვიდრეობის შედეგია. სომხეთი, როგორც სსრკ-ს ნაწილი, მისი ეკონომიკა, უპირველეს ყოვლისა, აშენდა იმ ლოგიკით, რომ იგი უნდა ემსახურებოდეს მთელ საბჭოთა კავშირს. ამ მხრივ, არსებობს მრავალი დაბრკოლება, რომელიც ობიექტურად ხელს უშლის სამომავლოდ დივერსიფიკაციას.
დივერსიფიკაცია არც ერთი ქვეყნის წინააღმდეგ არ არის მიმართული, ეს სომხეთისთვისაა. დღეს რომ ვთქვათ, რომ ჩვენი ეკონომიკა დიდწილად სხვა ქვეყანაზეა დამოკიდებული, ისევ იგივე ლოგიკით ვისაუბრებთ დივერსიფიკაციაზე, რადგან დივერსიფიკაცია ჩვენს დამოუკიდებლობას ეხება. რაც უფრო მეტ ადგილებზე ხართ დამოკიდებული, მით მეტი ადგილია თქვენზე დამოკიდებული“.
