დსთ-ს საგარეო საქმეთა საბჭოს 7 ოქტომბრის სხდომის ფარგლებში სომხეთი არ შეუერთდა განცხადებებს „ევრაზიაში უსაფრთხოების უზრუნველყოფის პრინციპების“ და „საერთაშორისო ურთიერთობებში ცალმხრივი ზომების გამოყენების დაუშვებლობის შესახებ“.
“არმენპრესის” ინფორმაციით, ამის შესახებ მედიის გამოკითხვის საპასუხოდ განაცხადა საგარეო საქმეთა სამინისტროს პრესსპიკერმა ანი ბადალიანმა.
მანამდე დსთ-ს აღმასრულებელი კომიტეტის პრესსამსახურის ცნობით, 7 ოქტომბერს გამართულ სესიაზე დსთ-ს ქვეყნების საგარეო საქმეთა სამინისტროების ხელმძღვანელებმა მიიღეს ერთობლივი განცხადება „საერთაშორისო ურთიერთობებში ცალმხრივი შემზღუდავი ზომების გამოყენების დაუშვებლობის შესახებ“. რომლებშიც ისინი ქვეყნებს ურჩევენ, თავი შეიკავონ მათი მიღებისგან, გავრცელებისგან. ამასთან, კომიტეტის ვებგვერდზე გამოქვეყნებული სხვა შეტყობინების მიხედვით, მიღებულია კიდევ ერთი განცხადება „ევრაზიაში უსაფრთხოების უზრუნველყოფის პრინციპების შესახებ“.
