გერმანიის ფედერაციულ რესპუბლიკაში სამუშაო ვიზიტის ფარგლებში რესპუბლიკის პრეზიდენტმა ვაჰაგნ ხაჩატურიანმა მონაწილეობა მიიღო „ჰამბურგის მდგრადობის ფორუმის“ გახსნის ოფიციალურ ცერემონიაში.
როგორც “არმენპრესს” აცნობეს სომხეთის რესპუბლიკის პრეზიდენტის აპარატიდან, ფორუმის გახსნას მოჰყვა რესპუბლიკის პრეზიდენტისა და მონაწილე ქვეყნების პრეზიდენტების სამუშაო ლანჩი გერმანიის კანცლერ ოლაფ შოლცთან.
წყაროს ცნობით, სამუშაო ლანჩზე განიხილეს გლობალური მშვიდობის, სტაბილურობის, უსაფრთხოებისა და განვითარების გამოწვევების დაძლევის შესაძლებლობები და გზები. ხაზი გაესვა ზემოაღნიშნული მიზნების რეალიზაციისათვის ერთობლივი ძალისხმევის მნიშვნელობას.
