საქართველოს პრეზიდენტის, სალომე ზურაბიშვილის გუშინ გამოთქმულმა აზრმა მწვავე გამოხმაურება ჰპოვა სოციალური ქსელების სომხურ დომენში და სომხურ პოლიტიკურ საზოგადოებაში. შეგახსენებთ, არჩევნების დროს ჩადენილი სავარაუდო დარღვევების აღსაწერად საქართველოს პრეზიდენტმა გამოიყენა ფრაზა „სომხური კარუსელი“. ალიანსი „დამოუკიდებელი დამკვირვებელი“, „ჰელსინკის სამოქალაქო ასამბლეის ვანაძორის ოფისისა“ და „ინფორმირებულ მოქალაქეთა ასოციაციის“ წარმომადგენლებით, 26 ოქტომბერს გამართულ საქართველოს საპარლამენტო არჩევნებში 18 დამკვირვებლით სადამკვირვებლო მისიას ახორციელებდა.
არასამთავრობო ორგანიზაცია „ინფორმირებულ მოქალაქეთა კავშირის“ პროგრამის კოორდინატორის დანიელ იოანისიანის თქმით, მათ მიერ დაკვირვებულ უბნებზე „სომხური კარუსელი“ შეუძლებელი იყო. ის განმარტავს, რომ ფრაზა „სომხური კარუსელი“ გამოიყენება კონტროლირებადი კენჭისყრის ტიპის აღსაწერად, როდესაც ამომრჩეველს გარეთ აძლევენ შევსებულ ბიულეტენს და ამომრჩეველს უბნიდან სუფთა ბიულეტენი გამოაქვს. ის აღნიშნავს, რომ საარჩევნო დარღვევების მსგავსი გამოვლინებები და საარჩევნო დარღვევების სიგნალიზაცია საქართველოში არ დაფიქსირებულა. იოანისიანის თქმით, ის, რაც საქართველოს პრეზიდენტმა აღწერა, არის არა “სომხური კარუსელი”, არამედ “ბალკანური”.
„ბალკანურს“ ეძახიან, ხან „ბულგარულ კარუსელს“, ზოგ ქვეყანაში „ბუსინგი“ ჰქვია, როცა ერთი და იგივე ამომრჩეველი სხვადასხვა უბნებში ტრიალებს და ხმას აძლევს.
პრეზიდენტმა ზურაბიშვილმა ეს აღწერა, მაგრამ უწოდა “სომხური კარუსელი”, – განაცხადა იოანისიანმა. შეგახსენებთ, რომ საქართველოს პრეზიდენტმა სალომე ზურაბიშვილმა Associated Press-თან ინტერვიუში განაცხადა. „აქ ვამბობთ „სომხურ კარუსელს“. „ქართულ კარუსელს“ თუ ეძახიან, არ ვიცი. პრეზიდენტის სიტყვებს მოგვიანებით საქართველოს ცენტრალური საარჩევნო კომისია გამოეხმაურა. მან აღნიშნა, რომ ქვეყნის პრეზიდენტის განცხადება იწვევს უნდობლობას არჩევნების ორგანიზების ტექნოლოგიების მიმართ.
ანი თამრაზიანი
