სომხეთი განიხილავს ხორბლის იმპორტის ალტერნატიულ წყაროებს, არის დისკუსია რამდენიმე ქვეყანასთან
სომხეთი ხორბლის იმპორტის ალტერნატიულ წყაროებს ეძებს და ამ საკითხს რამდენიმე ქვეყანასთან განიხილავს.ამის შესახებ ეკონომიკის მინისტრმა გევორგ პაპოიანმა პარლამენტის მუდმივმოქმედი კომიტეტების გაერთიანებულ სხდომაზე 2025 წლის სახელმწიფო ბიუჯეტის კანონპროექტის წინასწარი განხილვისას განაცხადა:
„ჩვენ განვიხილავთ იმპორტის ალტერნატიულ წყაროებს. ჩვენ მხედველობაში გვაქვს რამდენიმე ქვეყანა და ეს არც ერთი ქვეყნის წინააღმდეგ არ არის მიმართული. ჩვენი ხორბლის 99 პროცენტი, პირობითად, რუმინეთიდან რომ შემოვიტანოთ, ხორბლის იმპორტის საკითხზე რუსეთთან მოლაპარაკებას ვაწარმოებდი. ეს ნორმალური, ლოგიკური პროცესია“, – განაცხადა პაპოიანმა.
სასურსათო უსაფრთხოების კუთხით მინისტრმა მნიშვნელოვანად მიიჩნია დაუმუშავებელ მიწებზე ხორბლის კულტივაციის წახალისება თუნდაც უარყოფითი ხარჯით.
2023 წელს სომხეთმა 130 ათასი ტონა ხორბალი აწარმოა და 450 ათასი ტონა შემოიტანა. სომხეთს ხორბალი ძირითადად რუსეთიდან შემოაქვს.
