COP-29 კონფერენცია იმართება ქვეყანაში, რომელიც სრულად არღვევს საერთაშორისო კანონმდებლობას – დეპუტატი
გაეროს კლიმატის ცვლილების კონფერენცია COP29 იმართება ქვეყანაში, რომელიც ცნობილია თავისი კორუფციული სკანდალებით, ხიზილალის დიპლომატიით და საერთაშორისო ჰუმანიტარული სამართლის ფართო დარღვევით. ამის შესახებ 12 ნოემბერს ოპოზიციური ბლოკ „ჰაიასტანის“ საპარლამენტო ფრაქციის მდივანმა არწვიკ მინასიანმა ეროვნული ასამბლეის სესიაზე, აზერბაიჯანში არალეგალურად მყოფი სომეხი სამხედრო ტყვეების თემაზე განხილვისას განაცხადა.
მისი თქმით, ბაქო ყველანაირად ცდილობს თავისი ცუდი რეპუტაციის გაწმენდას. „დღეს საერთაშორისო კრიმინალი და მკვლელი, რომელმაც ჩაიდინა გენოციდი, ცდილობს სახის ჩამობანს და ჩვენ, როგორც ჩადენილი დანაშაულის ტკივილის მატარებელი ხალხი, ვალდებულნი ვართ ჩვენი მოთხოვნები წარვუდგინოთ საერთაშორისო საზოგადოებას“, – განაცხადა მინასიანმა.
დეპუტატის თქმით, აზერბაიჯანში მოქმედი პოლიტიკური რეჟიმი აგრძელებს მუქარას სომეხი ხალხისა და სომხური სახელმწიფოებრიობისადმი ყოველგვარი მორცხვობის გარეშე.
