სომხეთის საგარეო საქმეთა მინისტრი არარატ მირზოიანი თვლის, რომ ერევანი და ბაქო სამშვიდობო შეთანხმების პროექტს კონსტრუქციულ ატმოსფეროში განიხილავენ და ძალიან ახლოს არიან სამშვიდობო შეთანხმების საბოლოო ტექსტთან.
„დარჩენილია კიდევ ერთი-ორი ფორმულირება, რომლებზეც მუშაობა უფრო ინტენსიურ, უფრო კონსტრუქციულ ატმოსფეროში გრძელდება. მინდა გამოვხატო ფრთხილი ოპტიმიზმი, რომ ჩვენ ნამდვილად ძალიან ახლოს ვართ სამშვიდობო ხელშეკრულების საბოლოო ტექსტთან“, – განაცხადა სომხეთის საგარეო საქმეთა მინისტრმა არარატ მირზოიანმა ეროვნულ ასამბლეაში 2025 წლის სახელმწიფო ბიუჯეტის პროექტის განხილვისას.
