სომხეთში იმოქმედებს მოქალაქეობის მიღებისა და შეწყვეტის ერთიანი ელექტრონული სისტემა
ეროვნულმა კრებამ პირველი მოსმენით მიიღო საკანონმდებლო პაკეტი „სომხეთის რესპუბლიკის მოქალაქეობის შესახებ კანონებში ცვლილებებისა და დამატებების შესახებ“ და „სახელმწიფო მოვალეობის შესახებ“ კანონში ცვლილებებისა და დამატებების შესახებ, რომლითაც შემოთავაზებულია სომხეთის მოქალაქეობის მიღებისა და მოქალაქეობის შეწყვეტის შესახებ ელექტრონული განაცხადის შედგენა.
უსაფრთხოების რიგი გარემოებების არსებობის გათვალისწინებით, შენარჩუნებულია პირის პირველადი იდენტიფიკაციის აუცილებლობა, დოკუმენტების უსაფრთხოების მახასიათებლების შემოწმება, დოკუმენტების პირადად წარდგენის უზრუნველყოფა, მაგრამ პირს ექნება დოკუმენტების წარდგენის შესაძლებლობა ელექტრონული ვერსიით, სადაც მხოლოდ განმცხადებელს ექნება შესაძლებლობა დარეგისტრირდეს, დოკუმენტები პირადად წარუდგინოს უფლებამოსილ ორგანოში ან უცხო ქვეყანაში მოქმედ შესაბამის საელჩოში ან საკონსულო დაწესებულებაში.
ასევე წინასწარ ელექტრონულად შესაძლებელია მოქალაქეობის მოთხოვნის ან მოქალაქეობის შეწყვეტის მსურველი პირის შესახებ ყველა სახის გამოკითხვა სხვა შესაბამის ორგანოებში: სახელმწიფო შემოსავლების კომიტეტში, თავდაცვის სამინისტროში, პოლიციაში, ეროვნული უსაფრთხოების სამსახურში და ა.შ.
