ევროკავშირის საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა კაია კალასმა შესთავაზა სომხეთში ევროკავშირის სამოქალაქო მისიის განლაგების კიდევ ორი წლით გახანგრძლივება, განუცხადეს რადიო თავისუფლებას უმაღლესი წარმომადგენლის პრესსამსახურში.
„წევრი ქვეყნები მიესალმნენ წინადადებას და ამჟამად განიხილავენ აუცილებელ სამართლებრივ აქტებს ევროკავშირის საბჭოს შესაბამის ორგანოებთან. „გახანგრძლივების შესახებ საბჭოს გადაწყვეტილება უახლოეს დღეებშია მოსალოდნელი“, – ნათქვამია რადიო თავისუფლებისთვის მიწოდებულ წერილობით პასუხში.
თვეების განმავლობაში ბაქო მისიას ჯაშუშობაში და რეგიონული სტაბილურობის შელახვაში ადანაშაულებდა.
ამ ბრალდებების საპასუხოდ, უმაღლესი წარმომადგენლის ოფისმა განაცხადა: — „ევროკავშირის მისიის მანდატი სომხეთში ძალიან მკაფიოა: ადგილზე დაკვირვება და მოხსენება სომხეთ-აზერბაიჯანის საზღვრის სომხურ მხარეს და წვლილი შეიტანოს ევროკავშირის ძალისხმევაში სომხურ-აზერბაიჯანული კონფლიქტის მოსაგვარებლად. სადამკვირვებლო მისიის განლაგების შემდეგ საგრძნობლად შემცირდა შეიარაღებული ინციდენტების რაოდენობა სასაზღვრო რაიონებში. როგორც ცნობილია, ევროკავშირი რეგულარულად აცნობებს აზერბაიჯანს მისიის საქმიანობის შესახებ.
ბაქო ითხოვს, რომ შეჩერდეს ევროკავშირის მისია საზღვარზე․ 22 ნოემბერს საზოგადოებრივ ტელევიზიასთან მიცემულ ინტერვიუში, ნიკოლ ფაშინიანმა დაადასტურა, რომ ეს საკითხი ნამდვილად განიხილება ბაქოსთან და რომ სომხურმა მხარემ კონტრ-წინადადება შესთავაზა აზერბაიჯანს – დემარკირებული ტერიტორიებიდან ევროკავშირის დამკვირვებლების გაყვანის შესახებ.
