თეირანი ე.წ „ზანგეზურის დერეფნის“ საკითხზე პოლიტიკას არ შეცვლის. ირანელი ანალიტიკოსი

ირანს  არ შეუცვლია  და არ შეცვლის თავის პოლიტიკას ე.წ „ზანგეზურის დერეფანზე“. ამის შესახებ ირანელმა ანალიტიკოსმა პუჯა ჰოსეინმა 9 იანვარს NEWS.am-თან ინტერვიუში განაცხადა.

მან განმარტა, რომ ტერიტორიული მთლიანობის შენარჩუნება თეირანის „წითელ ხაზად“ რჩება.

ექსპერტმა აღნიშნა, რომ ყოველთვის მზად უნდა იყნემ  აზერბაიჯანისა და თურქეთის საფრთხისთვის, რომლებიც ცდილობენ დერეფანში შესვლას.

ირანმა და სომხეთმა უნდა გაზარდონ თავიანთი გამძლეობა. სომხეთის რესპუბლიკის ტერიტორიაზე გამავალი გზები სომხეთის იურისდიქციისა და კონტროლის ქვეშ უნდა იყოს. „ეს არის „წითელი ხაზი“  თეირანისა და ერევნისთვის“, დასძინა მან.

ჰოსეინმა აღნიშნა, რომ ირანსა და რუსეთს შორის ყოვლისმომცველი პარტნიორობის შეთანხმება მრავალი წელია შემუშავებულია და მისი ხელმოწერა ხელს შეუწყობს ეკონომიკური ურთიერთობების გაღრმავებას რუსეთთან, ჩინეთთან და სხვა ქვეყნებთან.

ასევე, იმის გათვალისწინებით, რომ ისლამური რესპუბლიკა მრავალი წლის განმავლობაში იმყოფებოდა სანქციების ქვეშ, ის ცდილობს დაამყაროს თანამშრომლობა შანხაის თანამშრომლობის ორგანიზაციასთან (SCO), ევრაზიის ეკონომიკურ კავშირთან  (EAEU) და სხვა ორგანიზაციებთან.

ირანი დიდი ხანია ცდილობს გაზარდოს თავისი სამხედრო შესაძლებლობები თავისი ტერიტორიული მთლიანობის დასაცავად. „ირანი გამოიყენებს ამ დოკუმენტის შესაძლებლობებს თავდაცვის შესაძლებლობების გასაზრდელად, მაგრამ ის ყოველთვის ცდილობს დამოუკიდებლად განავითაროს თავდაცვის პოტენციალი“, – ხაზგასმით აღნიშნა ანალიტიკოსმა.

მისი თქმით, ამავე დროს, ირანი დიპლომატიური არხებით ცდილობს განაახლოს მოლაპარაკებები ამერიკის ახალ ადმინისტრაციასთან მის ბირთვულ პროგრამაზე და სანქციებზე.

ჰოსეინმა განმარტა, რომ თეირანი პრიორიტეტულად მიიჩნევს კონფლიქტების მოგვარების მშვიდობიანი გზას, მაგრამ მზად არის ყველა სცენარისთვის.