სომხეთის ეროვნული უსაფრთხოების სამსახურის მესაზღვრე ჯარებში ქალი სამხედრო მოსამსახურეების რაოდენობა 9 პროცენტით გაიზარდა
გასულ წელს ეროვნული უსაფრთხოების სამსახურის მესაზღვრე ჯარებში ქალი სამხედრო მოსამსახურეების რაოდენობა დაახლოებით 9 პროცენტით გაიზარდა.
ამის შესახებ სომხეთის ეროვნული უსაფრთხოების სამსახურის დირექტორმა არმენ აბაზიანმა თავდაცვისა და უსაფრთხოების საკითხთა კომიტეტის სხდომაზე მთავრობის პროგრამის (2021-2026) 2023 წლის განხორციელების მიმდინარეობისა და შედეგების ანგარიშის წარდგენისას განაცხადა.
„2022 წელთან შედარებით, ქალი სამხედრო მოსამსახურეების რაოდენობა სასაზღვრო დაცვის ჯარში გაიზარდა დაახლოებით 9 პროცენტით, 2021 წელთან შედარებით, დაახლოებით 20 პროცენტით“, – თქვა აბაზიანმა.
2023 წელს გაგრძელდა სახელმწიფო ორგანოების ოფიციალური ვებგვერდების, ელექტრონული პლატფორმების და სხვა საინფორმაციო სისტემების კიბერუსაფრთხოების უზრუნველყოფის სამუშაოები, მათ შორის აღნიშნული სისტემების მიმართულებით კიბერ ინციდენტების აღრიცხვის პროცესის კოორდინაცია. 2 მილიონზე მეტი კიბერშეტევის მცდელობა აღიკვეთა.