მედია: ბიძინა ივანიშვილის ფონდის ყოფილი მენეჯერი სომხეთში გაიქცა
გიორგი ბაჩიაშვილს აღკვეთის ღონისძიების სახით პატიმრობა შეეფარდა სომხეთთან საზღვრის უკანონო გადაკვეთისთვის, იუწყება საქართველოს პირველი არხი.
გადაწყვეტილება თბილისის საქალაქო სასამართლოს მოსამართლემ რამდენიმე წუთის წინ გამოაცხადა.
გუშინ გიორგი ბაჩიაშვილმა სოციალურ ქსელში საქართველოდან წასვლის შესახებ განაცხადა.
საქართველოს შინაგან საქმეთა სამინისტროს ინფორმაციით, გამოძიებამ დაადგინა, რომ 2 მარტს ბაჩიაშვილმა ფარულად გადაკვეთა საქართველოს სახელმწიფო საზღვარი, სასაზღვრო გამშვები პუნქტის გვერდის ავლით, ავტომობილში სპეციალური სამალავით, სომხეთის მიმართულებით.
ამის შემდეგ სომხეთის სასაზღვრო გამშვებ პუნქტზე მან წარადგინა მის სახელზე გაცემული რუსეთის ფედერაციის მოქალაქეობის დამადასტურებელი კიდევ ერთი პასპორტი და შედეგად გადაკვეთა საზღვარი.
ქართული მედიის ცნობით, გიორგი ბაჩიაშვილი საქართველოში ორ საქმეზეა ბრალდებული. ერთი მათგანი ბიტკოინების ქურდობას ეხება, მეორე კი მტკვარჰესის საქმეს. ორივე შემთხვევაში ის აღკვეთის ღონისძიების სახით გირაოს სანაცვლოდ გაათავისუფლეს.
თავის მხრივ, „ნოვოსტი-გრუზია“ იუწყება, რომ ბაჩიაშვილი ადრე მილიარდერ და მმართველი პარტია „ქართული ოცნების“ დამფუძნებლის ბიძინა ივანიშვილის ფონდის მენეჯერის პოსტს იკავებდა.
