სომხეთის წარმომადგენელმა ვერცხლის მედალი მოიპოვა გეოგრაფიის 21-ე საერთაშორისო ოლიმპიადაზე
სომხეთის წარმომადგენელმა, ერევნის სკოლის ,,ქვანტი“-ს მე-12 კლასის მოსწავლემ, სათი ჰაირაპეტიანმა, ტაილანდის დედაქალაქ ბანგკოკში გამართულ გეოგრაფიის 21-ე საერთაშორისო ოლიმპიადაზე ვერცხლის მედალი მოიპოვა.
ოლიმპიადა 26 ივლისიდან 1 აგვისტომდე ჩატარდა და მასში 47 ქვეყნის 179 მოსწავლე მონაწილეობდა.
სომხეთის გუნდს ოლიმპიადაზე 4 მონაწილე წარმოადგენდა: სკოლის ,,ქვანტი“-ს მე-12 კლასის მოსწავლეები სათი ჰაირაპეტიანი, ნარე პოღოსიანი და ჰაიკ ანტონიანი, ასევე აიბ სკოლის მე-12 კლასის მოსწავლე ვაჰაგნ ალოიანი.
სომხეთის გუნდს ხელმძღვანელობდნენ ვარდან ასატრიანი (მეცნიერების ეროვნული აკადემია, კოლეჯი ,,ქვანტი“) და გორ ალექსანიანი (ერევნის სახელმწიფო უნივერსიტეტი).
ოლიმპიადა სამ ეტაპად ჩატარდა: პირველი დღე – თეორიული დავალებები, მეორე დღე – საველე კვლევა, რომელიც ორი ქვეეტაპისგან შედგებოდა და მესამე დღე – ორი მულტიმედიური დავალება.
