სომხეთის რესპუბლიკის პრემიერ-მინისტრი ნიკოლ ფაშინიანი მიესალმა ამერიკის შეერთებულ შტატებსა და ირანს შორის სამშვიდობო შეთანხმებას.
Armenpress-ის ცნობით, სომხეთის პრემიერ-მინისტრმა ამის შესახებ თავის მიკრობლოგ X-ზე გამოქვეყნებულ პოსტში აღნიშნა.
„ჩვენ მივესალმებით შეერთებულ შტატებსა და ირანს შორის შეთანხმებას. ჩვენ დიდად ვაფასებთ პაკისტანის, კატარის, თურქეთის და სხვა ქვეყნების შუამავლობის ძალისხმევას“, – ხაზგასმით აღნიშნა ნიკოლ ფაშინიანმა.
სომხეთის პრემიერ-მინისტრმა ასევე იმედი გამოთქვა, რომ ეს მნიშვნელოვანი მოვლენა გზას გაუხსნის ყოვლისმომცველი და მდგრადი მშვიდობისთვის ახლო აღმოსავლეთში. შეერთებულ შტატებსა და ირანს შორის სამშვიდობო მოლაპარაკებები 14 ივნისს დასრულდა და შეთანხმებას ხელი 19 ივნისს შვეიცარიაში მოეწერება.
აშშ-ის პრეზიდენტმა დონალდ ტრამპმა 15 ივნისს გამოაცხადა, რომ ირანთან სამშვიდობო შეთანხმების შესახებ შეთანხმება მიღწეულია.
