აშშ-ში სომხეთის ელჩმა სტრატეგიული კვლევების ცენტრში სომხურ-ამერიკული თანამშრომლობის ახალი მიმართულებები წარადგინა

აშშ-ში სომხეთის ელჩმა ნარეკ მკრტჩიანმა ვაშინგტონში დაფუძნებულ სტრატეგიული კვლევების ცენტრი (CSIS) მოინახულა, სადაც მან სომხურ-ამერიკული თანამშრომლობის დღის წესრიგი და ახლახან ხელმოწერილი დოკუმენტებით გახსნილი ახალი შესაძლებლობები წარადგინა. შეხვედრაზე ასევე განიხილეს რეგიონული მოვლენები, სამშვიდობო პროცესი და ამერიკის როლი, ასევე CSIS-სა და სომხურ ანალიტიკურ ცენტრებს შორის თანამშრომლობის პერსპექტივები. „ელჩმა ნარეკ მკრტჩიანი ვაშინგტონში დაფუძნებულ სტრატეგიული კვლევების ცენტრს (CSIS) ეწვია, სადაც ის ევროპის, რუსეთისა და ევრაზიის პროგრამის დირექტორს, მაქს ბერგმანს, ასევე ცენტრის სხვა წარმომადგენლებს შეხვდა. შეხვედრის დროს ელჩმა სომხეთ-ამერიკული თანამშრომლობის დღის წესრიგი წარადგინა, კერძოდ, ისაუბრა ბოლო დროს ხელმოწერილ არაერთ დოკუმენტზე, რომლებიც მაღალ ტექნოლოგიებში, ხელოვნურ ინტელექტში, იშვიათ მინერალებში, ნახევარგამტარების ინდუსტრიაში, ენერგეტიკასა და სხვა სტრატეგიულ სექტორებში თანამშრომლობის ახალ შესაძლებლობებს ქმნის. საუბრისას ასევე განხილულ იქნა რეგიონული მოვლენები და მიმდინარე სამშვიდობო პროცესთან დაკავშირებული საკითხები, მათ შორის შეერთებული შტატების როლი და წვლილი ამ პროცესში. ასევე განიხილეს CSIS-სა და სომხურ კვლევით და ანალიტიკურ ცენტრებს შორის თანამშრომლობის დამყარების შესაძლებლობები“, – ნათქვამია ამერიკის შეერთებულ შტატებში სომხეთის საელჩოს მიერ გავრცელებულ განცხადებაში.