საზოგადოება
რუსეთიდან სომხეთში აზერბაიჯანის გავლით კიდევ 490 ტონა ხორბალი გაიგზავნა
რუსეთიდან სომხეთში აზერბაიჯანის გავლით კიდევ ერთი პარტია გაიგზავნა, რომლის წონა 490 ტონაა, Armenpress-ის ცნობით, ამის შესახებ იტყობინება აზერბაიჯანული მედია.
აღნიშნულია, რომ ტვირთი სომხეთში რკინიგზით გაიგზავნა. საუბარია ხორბლით დატვირთულ 7 ვაგონზე.
ადრე ამ მარშრუტით რუსეთიდან სომხეთში 29 ათას ტონაზე მეტი მარცვლეული გადაიტანეს.
ამ მარშრუტით ასევე გადაიტანეს სასუქები, ქვანახშირი, ალუმინი და სხვა ტვირთები.
