„ტელეკომ არმენიამ“ და „აზერტელეკომმა“  ხელი მოაწერეს შეთანხმებას  ინტერნეტ ტრანზიტის შესახებ

„ტელეკომ არმენიამ“ და „აზერტელეკომმა“ ორმხრივი შეთანხმება გააფორმეს, რომელიც ორი ქვეყნის ტერიტორიაზე კომერციულ საფუძველზე  ტრანზიტული ინტერნეტის გადაცემასა და მიწოდებას ითვალისწინებს.

შეთანხმების ფარგლებში, „ტელეკომ არმენია“, როგორც რეგიონში წამყვანი სატრანზიტო ოპერატორი, აფართოებს საერთაშორისო ინტერნეტ ტრაფიკის მიწოდების ქვეყნების რაოდენობასა და გეოგრაფიას, რაც საკუთარი ინფრასტრუქტურის მეშვეობით აზერბაიჯანში ტრანზიტს უზრუნველყოფს.

შეთანხმების მიზანია რეგიონში არხების დივერსიფიკაციაში წვლილის შეტანა, ტელეკომუნიკაციების ქსელების საიმედოობის გაზრდა და ტელეკომუნიკაციების სექტორში თანამშრომლობის განვითარება.

სს „ტელეკომ არმენია“  (ბრენდი: Team Telecom Armenia) არის სომხური კომპანია, რომელიც ქვეყნის ტელეკომუნიკაციებისა და საინფორმაციო ტექნოლოგიების სექტორებში წამყვან პოზიციას იკავებს.

როგორც სომხეთში პირველი ტელეკომუნიკაციების ქსელის მემკვიდრე, კომპანიას ამ სექტორში მომსახურების მიწოდების 100 წელზე მეტი ხნის ისტორია აქვს.

„ტეამი“ მობილურ და ფიქსირებულ ინტერნეტს, ციფრულ ტელევიზიას, მობილურ და ფიქსირებულ ტელეფონიის მომსახურებას სთავაზობს როგორც ინდივიდუალურ, ასევე კორპორატიულ აბონენტებს.

კომპანიამ ასევე მოახდინა თავისი DWDM ქსელის მოდერნიზაცია და განვითარება, რაც უზრუნველყოფს წვდომას ახლო აღმოსავლეთის ტრანზიტისა და ინტერნეტ გაყიდვების ბაზრებზე.

მოკლე დროში, Team-ი  რეგიონში ერთ-ერთ უდიდეს ინტერნეტ ექსპორტიორ კომპანიად იქცა.