საქართველოს შინაგან საქმეთა მინისტრი 112 ცენტრსა და საპატრულო სამსახურს ეწვია
შსს-ს მინისტრი სულხან თამაზაშვილი, შინაგან საქმეთა მინისტრის მოადგილის, არმენ მკრტჩიანის თანხლებით, შინაგან საქმეთა სამინისტროს 112 ოპერატიული მართვის ცენტრსა და საპატრულო სამსახურის ადმინისტრაციულ კომპლექსს ეწვია.
ვიზიტის ფარგლებში სულხან თამაზაშვილმა დაათვალიერა კომპლექსი, გაეცნო ოპერატიული მართვის ცენტრის შენობა-ნაგებობებს, საპატრულო სამსახურის ადმინისტრაციას, ასევე დაქვემდებარებული დანაყოფების საქმიანობას.
ოპერაციული მართვის ცენტრში შინაგან საქმეთა მინისტრს ევროპული სტანდარტებით მოქმედი 112 გამოძახების მართვის ცენტრი წარუდგინეს, რომელმაც სამაშველო სამსახურისა და პოლიციის გამოძახების სამსახური ერთ პლატფორმაზე გააერთიანა.
საქართველოს შინაგან საქმეთა სამინისტროს დელეგაციას ასევე წარუდგინეს მოქალაქეთა მიღების, ადმინისტრაციული წარმოების განხორციელებისა და საჩივრების განხილვის დეპარტამენტების სამუშაო ფუნქციები.
სულხან თამაზაშვილმა კომპლექსის შეიარაღების საწყობი, სროლის მოედანი და სპორტდარბაზი დაათვალიერა, სადაც პატრულის თანამშრომლების ფიზიკური და საბრძოლო მომზადებისთვის შექმნილ პირობებს გაეცნო. მას ასევე წარუდგინეს ერევნის პოლკის სამსახურებრივი ელექტრომობილების ტექნიკური აღჭურვილობა და შესაძლებლობები.
