სომხეთის საგარეო სავაჭრო ბრუნვა მიმდინარე წლის პირველ ნახევარში 0.1%-ით შემცირდა

2026 წლის იანვარ-ივნისში სომხეთის საგარეო სავაჭრო ბრუნვის მოცულობა წინა წლის ანალოგიურ პერიოდთან შედარებით 0.1%-ით შემცირდა და 9 მილიარდ 570.9 მილიონ დოლარს მიაღწია. Armenpress-ის ცნობით, ამის შესახებ განაცხადა სომხეთის რესპუბლიკის სტატისტიკის კომიტეტმა.

ივნისში, მაისთან შედარებით, საგარეო სავაჭრო ბრუნვა 7.3%-ით გაიზარდა, ხოლო წინა წლის ივნისთან შედარებით 3.3%-ით შემცირდა. ივნისში სავაჭრო ბრუნვამ 1 მილიარდ 653.6 მილიონი დოლარი შეადგინა.

წლის პირველ ნახევარში ექსპორტი წინა წლის ანალოგიურ პერიოდთან შედარებით 6.7%-ით ნაკლები იყო და 3 მილიარდ 431.3 მილიონ დოლარს მიაღწია. ივნისში მოცულობა მაისთან შედარებით 5%-ით გაიზარდა, მაგრამ 2025 წლის ივნისთან შედარებით 20.5%-ით შემცირდა. ივნისში სომხეთიდან ექსპორტი 556.7 მილიონ დოლარს შეადგენდა. იანვარ-ივნისში იმპორტი 2025 წლის ანალოგიური პერიოდის მაჩვენებელს 4 პროცენტით აღემატებოდა და 6 მილიარდ 139,6 მილიონ აშშ დოლარს შეადგენდა. ივნისში მაისთან შედარებით ის 8,5 პროცენტით, ხოლო წინა წლის ივნისთან შედარებით 8,6 პროცენტით გაიზარდა. ივნისში იმპორტის მოცულობამ 1 მილიარდ 96,9 მილიონი აშშ დოლარი შეადგინა.

სომხური დრამის გაცვლითი კურსი აშშ დოლართან მიმართებაში იანვარ-ივნისში 374,32 დრამი იყო, ხოლო ივნისში 368,26 დრამი.