ჩვენს ქვეყანაში ინფიცირებულთა რიცხვი ერთ დღეში 39-ით გაიზარდა.
ერევანი, 1 აპრილი – Sputnik. სომხეთში კორონავირუსით ინფიცირებულთა რიცხვმა მიაღწია 571-ს. ერთ დღეში ინფიცირებულთა რიცხვი 39-ით გაიზარდა. ინფორმაციას დაავადებათა კონტროლისა და პრევენციის ეროვნული ცენტრი ავრცელებს.
დღემდე, გამოჯანმრთელებულთა რიცხვი 31 პაციენტია, 537 კი რეალურად მკურნალობს. სომხეთში კორონავირუსის შედეგად სამი ადამიანი დაიღუპა. უარყოფითი ტესტების რაოდენობაა 2533.
შეგახსენებთ, რომ სომხეთში კოროვირუსის გავრცელების თავიდან ასაცილებლად საგანგებო მდგომარეობა დაწესდა 16 მარტიდან 14 აპრილამდე.
შეზღუდვები მოიცავს არა მხოლოდ კაფეების და გასართობი ადგილების მუშაობის შეწყვეტას, არამედ მოქალაქეების გადაადგილებასაც. უფრო მეტიც, დღეს, შუაღამიდან, სამსახურში გასვლის დროსაც კი, მოქალაქეებს უნდა ჰქონდეთ დამსაქმებლის მიერ მოცემული ახალი ბლანკი, სადაც მითითებულია, თუ სად მუშაობენ და რა გრაფიკი აქვთ.
