სრ პრეზიდენტი.
სრ პრეზიდენტმა არმენ სარგსიანმა საქართველოს პრეზიდენტს სალომე ზურაბიშვილს მიულოცა ქვეყნის ეროვნული დღესასწაულის, საქართველოს სახელმწიფოებრივი დამოუკიდებლობის აღდგენის დღესთან დაკავშირებით.
მილოცვაში ნათქვამია:
“მჭიდრო ისტორიული და კულტურული კონტაქტებისა და თანამშრომლობის შედეგად ჩამოყალიბებულ სომეხ და ქართველ ხალხთა მეგობრობამ და ურთიერთდამაჯერებლობამ დაადასტურა მათი სასიცოცხლო ხანგრძლივობა საუკუნეების განმავლობაში, წარმატებით გადალახა ყველა განსაცდელი და გახდა საფუძველი სომხეთის რესპუბლიკასა და საქართველოს შორის კეთილმეზობლური ურთიერთობების ფორმირებისა და განვითარებისათვის.
განსაკუთრებით დღეს, ახალი ტიპის კორონავირუსით გამოწვეულ ამ რთულ პერიოდში, უფრო მკაფიოდ იგრძნობა ჩვენ მეზობელ და მეგობრულ ქვეყანასთან ურთიერთთანამშრომლობის მნიშვნელობა. დარწმუნებული ვარ, რომ ერთობლივი ძალისხმევით ჩვენ შევძლებთ გადავლახოთ კაცობრიობის წინაშე მდგარი ეს რთული განსაცდელიც”.
პრეზიდენტმა სარგსიანმა სალომე ზურაბიშვილს უსურვა წარმატებები და ჯანმრთელობა, მეგობარ ქართველ ხალხს კი მშვიდობა და კეთილდღეობა.
