სომხეთის ჯარში ორი მსხვერპლია: თავდაცვის სამინისტრო

სომხეთის და აზერბაიჯანის სახელმწიფო საზღვრის ჩრდილო-აღმოსავლეთ ნაწილში მტრის მიერ გახსნილი ცეცხლის  შედეგად ორი სამხედრო მოსამსახურე დაიღუპა. ინფორმაციას ავრცელებს სომხეთის  თავდაცვის სამინისტროს პრესმდივანი შუშან სტეპანიანი.

„სიცოცხლისათვის შეუთავსებელი ჭრილობა მიიღეს  მაიორმა  გარუშ  ვემირის ძე ჰამბარძუმიანიმა  და კაპიტანმა  სოს ფაილაკის ძე  ელბაკიანმა“, – წერს იგი ფეისბუქზე.

თავდაცვის სამინისტრო იზიარებს მწუხარებას და უთანაგრძნობს გარდაცვლილების ოჯახებს, ახლობლებსა და კოლეგებს.

მაიორმა  გარუშ  ვემირის ძე ჰამბარძუმიანი დაიბადა 1989 წელს, დაამთავრა სომხეთის  თავდაცვის სამინისტრო ვ. სარგსიანის სამხედრო უნივერსიტეტი. 2015 წელს დაინიშნა სომხეთის თავდაცვის სამინისტროს N სამხედრო ნაწილის საინჟინრო ოცეულის მეთაურად.

სოს ფაილაკის ძე ელბაკიანი 1992 წელს დაიბადა.

შეგახსენებთ, რომ 12 ივლისს, დაახლოებით 12:30 საათზე, აზერბაიჯანის შეიარაღებული ძალების სამხედრო მოსამსახურეები  „უაზ“- ის მარკის ავტომანქანით ცდილობდნენ სომხეთის სახელმწიფო საზღვრის გარღვევას ტავუშის მონაკვეთზე. სომხური მხარის გაფრთხილების შემდეგ, აზერბაიჯანელმა სამხედრო მოსამსახურეებმა მანქანა დატოვეს და პოზიციებზე დაბრუნდნენ.

13:45 საათზე, აზერბაიჯანის შეიარაღებული ძალების სამხედრო მოსამსახურეებმა გაიმეორეს სომხეთის შეიარაღებული ძალების სასაზღვრო პოზიციის დაკავების მცდელობა, გამოიყენეს საარტილერიო ცეცხლი, მაგრამ მათზე ზეწოლა მოახდინა სომხურმა მხარემ, მიაყენა ზარალი და უკან დაახევია.  მოგვიანებით ცნობილი გახდა, რომ აზერბაიჯანულმა მხარემ განაახლა ტავუშის პოზიციების დაბომბვა.

სომხეთის თავდაცვის მინისტრის სპიკერმა შუშან სტეპანიანმა გუშინ დილით დასაწყისში განაცხადა, რომ სამსაათიანი შესვენების შემდეგ, მოწინააღმდეგემ დილით განაახლა პროვოკაციული მოქმედებები, განაგრძო ჭურვების გამოყენება  სომხური პოზიციების მიმართულებით.

აზერბაიჯანის თავდაცვის მინისტრის მოადგილემ ქერიმ კელიევმა  განაცხადა, რომ საბრძოლო მოქმედებების შედეგად დაიღუპა გენერალ-მაიორი ფოლად ჰაშიმოვი, პოლკოვნიკი ილგარ მირზეევი.  საგენტო „აპა“ იტყობინება, რომ გარდაიცვალა აგრეთვე მაიორი აჰმედოვი  ნაზიმ ხაჟანოღლუ,  ოფიცერი  ზეინალლა  ილგარ აიაზოღლუ, ოფიცერი ბაბაევ იასარ  ცასიფოღლუ,  ზეთანამედროვე სამსახურის მოსამსახურე, ჯარისკაცი მუსტაფაზადე ელჩინ არიფოღლუ.