,,არმენპრესი” წერს, რომ ღამის 03:40 საათზე, სრ შეიარაღებული ძალების პოზიციებმა შენიშნეს მტრის მოძრაობა. წრიულ თავდაცვაზე გადასვლისას სომხურმა ერთეულებმა აღკვეთეს მტრის დივერსიული შეღწევადობის მცდელობა. “არმენპრეს” -ის ცნობით, ამის შესახებ სრ “ფეისბუქის” გვერდზე დაწერა თავდაცვის სამინისტროს პრეს სპიკერმა შუშან სტეფანიანმა.
”ცხელი ბრძოლის შემდეგ, მტერი დანაკარგებით უკუგდებულ იქნა.
ამის შემდეგ, 05:20 საათზე, აზერბაიჯანულმა დანაყოფებმა დაიწყეს სოფლების აიეგპარის, მოვსესის დაბომბვა ჭურვსატყორცნების და D-30 ჰაუბიცების გამოყენებით. ხანძარი ახლაც გრძელდება.
სრ შეიარაღებული ძალების დანაყოფები ანეიტრალებენ აზერბაიჯანის შეიარაღებული ძალების პროვოკაციებს.
”ეს არის გუშინ, 00:15 საათიდან დაწყებული მყიფე ცეცხლის შეწყვეტის პირველი უხეში დარღვევა”, – წერს სტეფანიანი.
ამის შემდეგ სტეფანიანმა დასძინა, რომ სომხეთ-აზერბაიჯანული სახელმწიფო საზღვრის ჩრდილო-აღმოსავლეთ ნაწილში განხორციელებული ოპერაციების შედეგად სომხურ მხარეს მსხვერპლი არ აქვს.
