სომხეთის ადამიანის უფლებათა დამცველმა არმან თათოიანმა აზერბაიჯანული მხარის ბრალდებებს უპასუხა. მან განაცხადა, რომ ვიდეოების უმეტესობა სომეხი სამხედროების გვამების შეურაცხყოფის, პატიმრების წამებისა და არაადამიანური მოპყრობის შესახებ რეალურია. ისინი დაფიქსირებულია და წარმოდგენილია სომხური და არცახის მხარეების მიერ საერთაშორისო ორგანოებისთვის, როგორც მტკიცებულება.
აღსანიშნავია, რომ დღეს აზერბაიჯანის გენერალურმა პროკურატურამ განაცხადა, რომ აზერბაიჯანის შეიარაღებული ძალებისადმი მიკუთვნებული ვიდეოების უმეტესობა სომეხი სამხედრო მოსამსახურეების ცხედრების შეურაცხყოფის, პატიმრების წამებისა და არაადამიანური მოპყრობის შესახებ ყალბია. მან აღნიშნა, რომ აღიძრა სისხლის სამართლის საქმე და დამნაშავეები პასუხისგებაში მიეცემიან.
სომხეთის ადამიანის უფლებათა დამცველი ასევე აცხადებს, რომ ეს სისასტიკე, წამება და არაადამიანური მოპყრობა ომის დანაშაულია.
”ეს აზერბაიჯანელმა ჯარისკაცებმა ინდივიდუალურად კი არ ჩაიდინეს, არამედ ეს აზერბაიჯანის მხრივ ეთნიკური წმენდისა და გენოციდის აზერბაიჯანული პოლიტიკის განუყოფელი ნაწილია, რაც აზერბაიჯანში წლების განმავლობაში სახელმწიფოს მიერ დაფინანსებული ანტისომხური სიძულვილის შედეგია”, – აღნიშნა თათოიანმა განცხადებაში.
სომხეთის ადამიანის უფლებათა დამცველმა ხაზი გაუსვა, რომ ეს სისასტიკეები გავრცელდა იმ მიზნით, რომ სომხურ საზოგადოებას ფსიქიკური ტანჯვა მიეყენოს, დაძაბულობა გამოიწვიოს და ამით მოიპოვოს დიდება და მოჩვენებითი “გმირობა” საკუთარ საზოგადოებაში.
თათოიანის თქმით, პასუხისმგებლობა ეკისრება არა ცალკეულ ჯარისკაცებს, არამედ აზერბაიჯანის ხელისუფლებას, რომელიც უშუალოდ პასუხისმგებელია წამებისა და არაადამიანური მოპყრობისთვის.
აღსანიშნავია, რომ ბოლო მონაცემებით, აზერბაიჯანში 20-ზე მეტი სომეხი მძევალია.
