ოთხი თურქი გენერალი შეუერთდება სპეციალურ სარდლობის ჯგუფს, რომელიც წარმოადგენს თურქეთის შეიარაღებულ ძალებს აზერბაიჯანში. ამის შესახებ იტყობინება Kavkazinfo, სამხედრო ექსპერტ ადალატ ვერდიევზე დაყრდნობით.
ინფორმაციის თანახმად, თურქეთის სახმელეთო ჯარების ოპერატიული ქვედანაყოფის უფროსი, გენერალ -მაიორი ბახტიარ ერსაი დაინიშნა აზერბაიჯანის სპეციალური ჯგუფის უფროსად და გადავიდა თურქეთის გენერალური შტაბის განკარგვაში. გენერალი აბდულა გატირჩი ასევე დაინიშნა ეგეოსის არმიის სარდლობაში და გადავიდა აზერბაიჯანის სპეციალური ჯგუფის ერთობლივი ცენტრის სარდლობაში. გენერალი ენდერ გუნერი დაინიშნა სპეციალური ჯგუფის სარდლობის შტაბის უფროსად. პარალელურად შეიცვალა თურქეთის შეიარაღებული ძალების სამხედრო ატაშე ბაქოში. გენერალი ზაქარია იალცინი დაინიშნა ახალ სამხედრო ატაშედ.
უნდა აღინიშნოს, რომ რამდენიმე ხნის წინ თურქულმა მედიამ ასევე გაავრცელა ინფორმაცია ამ დანიშვნების შესახებ. ოთხი გენერლის დანიშვნისთანავე გაიზარდა თურქეთის შეიარაღებული ძალების წარმომადგენლების რაოდენობა ბაქოში.
