გაეროს მართლმსაჯულების საერთაშორისო სასამართლო გადაწყვეტილებას სომხეთის სარჩელზე აზერბაიჯანის წინააღმდეგ 7 დეკემბერს გამოაცხადებს. ამის შესახებ ნათქვამია ორგანიზაციის ოფიციალურ ვებგვერდზე. იმავე დღეს გაეროს სასამართლო გამოაცხადებს განაჩენს საპირისპირო სარჩელზე, ბაქო ერევნის წინააღმდეგ.
სარჩელში სომხეთი ითხოვს სასამართლოს დაუყოვნებლივ გაათავისუფლოს სომეხი ტყვეები, მძევლები და სხვა დაკავებულები, რომლებიც ტყვედ ჩავარდა 2020 წლის სექტემბერ-ნოემბერში შეიარაღებული კონფლიქტის დროს ან მის შემდეგ. მანამდე აზერბაიჯანი მათ უნდა მოექცეს რასობრივი დისკრიმინაციის ყველა ფორმის აღმოფხვრის შესახებ კონვენციით ნაკისრი ვალდებულებების ფარგლებში.
აზერბაიჯანმა ეროვნულ ნიადაგზე სომხების მიმართ სიძულვილის გამოხატვისგან თავი უნდა შეიკავოს, მათ შორის, გააუქმოს ე.წ. „ომის ნადავლის პარკი“. ბაქომ უნდა უზრუნველყოს წვდომა კულტურულ ძეგლებზე (მონასტრები, ძეგლები და ა.შ.) სომხების მიერ კონტროლირებად ტერიტორიაზე, ასევე მიიღოს რეალური ზომები ამ ძეგლების შესანარჩუნებლად.
24 სექტემბერს ბაქომ შეიტანა სარჩელი იმის ბრალდებით, რომ სომხეთმა ჩაიდინა რიგი დისკრიმინაციული ქმედებები აზერბაიჯანელების მიმართ მათი ეროვნულ-ეთნიკური წარმომავლობის საფუძველზე.
