დაავადების სერიოზული შემთხვევები არ დაფიქსირებულა იმ ადამიანებში, რომლებიც აცრილნი იყვნენ და დაინფიცირდნენ ომიკრონის შტამით: ჯანდაცვის მინისტრი

დღემდე, დაავადების არც ერთი შემთხვევა არ დაფიქსირებულა იმ ადამიანებში, რომლებიც აცრილნი იყვნენ  და დაინფიცირდნენ ომიკრონის შტამით, ისევე როგორც  არ დაფიქსირებულა ვაქცინის ეფექტურობის დაქვეითება. ამის შესახებ სომხეთის ჯანდაცვის მინისტრმა ანაჰიტ ავანესიანმა ჟურნალისტებთან საუბარში განაცხადა.

„მაგრამ ჩვენ უნდა გვესმოდეს, რომ კვლევა ჯერ კიდევ გრძელდება და ჩვენ გვექნება ბევრად უფრო შეჯამებული ინფორმაცია დაახლოებით 10 დღეში“, – თქვა მან.

მინისტრის თქმით, ბოლო დღეებში სომხეთში COVID-19-ით ინფიცირების შემთხვევები მცირდება, თუმცა ყველაფერი უნდა გაკეთდეს იმისათვის, რომ მომავალში ეს დამაკმაყოფილებელი მაჩვენებლები შენარჩუნდეს. ამიტომ სასურველია არ დაივიწყოთ ანტიეპიდემიური წესები, განსაკუთრებით საახალწლო არდადეგების დროს, ასევე ჩაიტაროთ ვაქცინაცია.