გამუდმებით ვეძებ და მაინც ვერ ვპოულობ სად წერია, რომ სომხეთის ტერიტორიაზე რომელიმე სხვა სახელმწიფომ უნდა უზრუნველყოს კომუნიკაციის უსაფრთხოება. ამის შესახებ ფრაქცია „სამოქალაქო ხელშეკრულების“ ლიდერი ჰაიკ კონჯორიანი ფეისბუქის საკუთარ გვერდზე წერს.
„უცნაურია სომხეთს მივაწეროთ ის ვალდებულებები, რაც სომხეთს არ აქვს ნაკისრი. ორმაგად უცნაურია, რომ ამას ამბობენ ის მხარეები, რომლებმაც პირდაპირ დაარღვიეს 9 ნოემბრის განცხადების თითქმის ყველა პუნქტი.
სომხეთის ტერიტორიაზე გამავალი ნებისმიერი გზა სომხეთის სუვერენიტეტსა და იურისდიქციაშია“, – წერს ჰაიკ კონჯორიანი.
მანამდე რუსეთის საგარეო საქმეთა მინისტრმა სომხეთი დაადანაშაულა ახალი მოთხოვნების დაყენებაში საგზაო უსაფრთხოების უზრუნველყოფის კუთხით და აღნიშნა, რომ ერევანს არ სურს რუსი მესაზღვრეების იქ დგომა, ნეიტრალური სასაზღვრო და საბაჟო კონტროლი.
