საქართველოსა და სომხეთს შორის თანამშრომლობა და ურთიერთობები გადავიდა სტრატეგიული პარტნიორობის დონეზე და, შესაბამისად, მეტი მნიშვნელობა ენიჭება ქვეყნების თანამშრომლობას სხვადასხვა მიმართულებით.
ამის შესახებ სომხურ მედიასთან საუბრისას საქართველოს პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა განაცხადა.
„ეკონომიკური თვალსაზრისით, სომხეთი საქართველოს ერთ-ერთი მთავარი სავაჭრო პარტნიორია. საქართველო ასევე ძალიან მნიშვნელოვანია სომხური საქონლის ტრანზიტის კუთხით და მიმზიდველი ადგილია ტურისტებისთვის. სომხეთი ასევე არის ერთ-ერთი მნიშვნელოვანი ტურისტული მიმართულება საქართველოსთვის“, – აღნიშნა დავითაშვილმა.
