ერევანი განიხილავს ყაზახეთის წინადადებას სომხეთისა და აზერბაიჯანის საგარეო საქმეთა მინისტრების შეხვედრის ორგანიზების შესახებ
სომხეთის საგარეო საქმეთა სამინისტრო სომხეთისა და აზერბაიჯანის საგარეო საქმეთა მინისტრების შესაძლო შეხვედრის თარიღს ყაზახური მხარის წინადადებით შეთანხმების მიღწევისთანავე აცნობებს.
ამის შესახებ სომხეთის საგარეო საქმეთა სამინისტროს პრესსპიკერმა ანი ბადალიანმა „ARMENPRESS“-ის კითხვის საპასუხოდ განაცხადა.
„როგორც უკვე აღვნიშნეთ, სომხეთი განიხილავს და ემხრობა იმ შუამავლობას ან მოლაპარაკების პლატფორმებს, რომლებიც ნამდვილად არის მიმართული სამხრეთ კავკასიაში გრძელვადიანი მშვიდობის მისაღწევად, მხარს უჭერს ფუნდამენტურ პრინციპებს და ურთიერთშეთანხმებულ დოკუმენტებს, მათ შორის 1991 წ. ალმა-ატას დეკლარაციის საფუძველზე სომხეთისა და აზერბაიჯანის მიერ ერთმანეთის ტერიტორიული მთლიანობის აღიარებისა და დემარკაციის პროცესს. შეთანხმების მიღწევისთანავე შეგატყობინებთ ყაზახური მხარის წინადადებით, სომხეთისა და აზერბაიჯანის საგარეო საქმეთა მინისტრების შესაძლო შეხვედრის თარიღს“, – განაცხადა ბადალიანმა.
მანამდე აზერბაიჯანის პრეზიდენტმა ილჰამ ალიევმა განაცხადა, რომ ბაქომ მიიღო წინადადება ყაზახეთისგან სომხეთისა და აზერბაიჯანის საგარეო საქმეთა მინისტრების შეხვედრის ორგანიზების შესახებ და თანხმობაც მისცა.
