რუბენ ვარდანიანი გაიტაცეს, მთიანი ყარაბაღის ყველა ყოფილი ლიდერი რუსეთის მფარველობის ქვეშ იმყოფებოდა. ისინი აზერბაიჯანში რუსული სამშვიდობო კონტინგენტის თანხმობით გადაიყვანეს. ამის შესახებ The Moscow Times-თან ინტერვიუში განაცხადა სომხეთის ელჩმა ევროკავშირში ტიგრან ბალაიანმა.
„ვარდანიანმა სომხეთში წასვლა სცადა. მათ [აზერბაიჯანმა] იცოდნენ, თუ რა მანქანით მიდიოდა ის სომხეთში, ამიტომ გააჩერეს და უკანონოდ გაიტაცეს ლაჩინის დერეფნიდან, რომლის შეუფერხებელი საქმიანობის უზრუნველყოფის ვალდებულება რუსულ მხარეს ეკისრებოდა.
ხოლო სხვა ყოფილი ლიდერები, ბაკო საჰაკიანი, არკადი ღუკასიანი, აზერბაიჯანში გადაიყვანეს ფაქტიურად მთიანი ყარაბაღის აეროპორტში მდებარე რუსული სამშვიდობო კონტინგენტის ბაზიდან. ისინი რუსეთის აეროპორტის ბაზაზე იმყოფებოდნენ და რუსეთის დაცვის ქვეშ იმყოფებოდნენ.
ვარდანიანი სომხეთის მოქალაქეა და მე პირადად ვარ ჩართული მისი, ისევე როგორც აზერბაიჯანში არალეგალურად დაკავებული ყველა მძევლის გათავისუფლების საქმეში“, – დასძინა მან.
