სახელმწიფო მდივნის თანაშემწე ევროპისა და ევრაზიის საკითხებში ჯეიმს ო’ბრაიენი 10-12 ივნისს სომხეთს ეწვევა, იუწყება სახელმწიფო დეპარტამენტი.
ო’ბრაიენი მთავრობის მაღალჩინოსნებთან განიხილავს შეერთებული შტატების მხარდაჭერას სომხეთსა და აზერბაიჯანს შორის სამშვიდობო შეთანხმების მიღწევაში, მათ შორის ალმა-ატას დეკლარაციის დემარკაციის საფუძვლად გამოყენებაში, ნათქვამია სახელმწიფო დეპარტამენტის განცხადებაში, რომელიც გამოქვეყნდა პარასკევს.
სახელმწიფო მდივნის თანაშემწე ასევე უხელმძღვანელებს სომხურ-ამერიკული სტრატეგიული დიალოგის შეხვედრას, რომელიც შეაფასებს მნიშვნელოვან პროგრესს ორმხრივი ურთიერთობების გაღრმავებაში და განიხილავს შემდგომ ნაბიჯებს. სახელმწიფო მდივნის თანაშემწე ო’ბრაიენი ასევე შეხვდება ბიზნესისა და სამოქალაქო საზოგადოების წარმომადგენლებს.
